قصيدة “خيرات بلادي” – ذ. عبد الله المهدي

خيرات بلادي وافرة وكثيرة
لقليل بها عايش والكثير محروم
بحور من طنجة حتى لكويرة
جميع حوتها مخوصص وملموم
ضيعات مسيجة وفرمات محضية
تعطي خضرة منوعة فاكية ولحوم
عمارات فيلات وأراضي مجهزة
صحابها معروفين ماشي للعموم
معامل مصانع شركا ت كبير ة
عمالها كل واحد منهم مظلوم
فوسفاط أسمدة للخارج مصدرة
الفلاح المقهور ما يقدر عليها يحوم
معاهد عليا ومدارس خاصة
روادها طلبة صحا ب العلو م
الخدمة بها كاينه مضمونه
هذالشي عند كل واحد مفهوم
وحنا تكفينا المدارس الشعبية
اللي تخرج منها بالبطالة محكوم
تكفينا سكنى في أحياء منسية
وسط برارك لكثير فيها مهدوم
تكفينا خبزة يابسة حرفية
اللي ما قدرش عليها يصوم
يكفينا يكفينا بالشلحة والعربية
نزلوا معنا للأرض يا علية القوم

عبد الله المهدي-
قرية با محمد